No último libro de Nicholas Cook, Music: Why It Matters (Cambridge: Polity, 2023), o profesor de música do Colexio Darwin da Universidade de Cambridge considera que pensar na música axuda a enfocar os valores que se mobilizan nas guerras culturais actuais, e presenta como contrapartida unha situación moi recente experimentada a nivel planetario:
Os seres humanos tenderon sempre a dividir as cousas entre categorías opostas, o que constitúe un problema porque en xeral o mundo non se comporta así. Deste xeito, temos «música occidental» vs «música non-occidental», ou o que se chama habitualmente «West and the rest». Mentres os países entraron en bloqueo en 2020 a causa da pandemia de COVID, a xente recorreu á música para buscar comodidade e solidariedade. Os veciños cantaban entre eles dende os seus balcóns, as persoas participaban en sesións de música en liña, e creouse unha experiencia de convivencia distanciada socialmente. (5-6).
Nos anos finais do primeiro cuarto do século XXI, as aproximacións á música presentan unha pluralidade nunca antes acadada na historia, cun fío condutor vertebrado polas tecnoloxías de comunicación garantes da inmediatez e do acceso múltiple e espontáneo ás máis diversas manifestacións do feito musical, e que tamén constitúe unha forma de distanciamento social. O número XII de Symphonia que hoxe publicamos reflexa as inquedanzas dos estudiantes neste particular, que amosan precisamente unha pluralidade que non obvia a compoñente estritamente sociolóxica, e que se articula a través das categorías máis habituais na disciplina: organoloxía, didáctica, improvisación, interpretación, análise textual, e tradicións autóctonas.
Symphonia 