Acabáramos a colaboración anterior con Emilia Quintero Calé en Ferrol, impartindo clases de piano. Efectivamente, en 1884 a familia Quintero-Calé trasladouse a esa cidade, na que residirá ata comezos de 1891. Inicialmente instalouse no 2º andar da casa nº 20 da rúa Galiano. Segundo o padrón municipal, tanto ela como a nai chegaron antes que o resto da familia (o pai Lorenzo, e os seus irmáns Sofía, Áurea e Lorenzo). (Arquivo Municipal de Ferrol. Padrón de 1885). Posteriormente, residirán no 1º andar do nº 72 da rúa Magdalena. No padrón de 1889 unicamente figuran convivindo cos pais os fillos Emilia e Lorenzo. (AMF. Padrón de 1889; Carlos Pereira Martínez, Ana Romero Masiá: “Emilia Calé Torres, a escrita na dor”, Nalgures, XII (2016), pp: 451-540).

Seguir leyendo